مغرم وتاب.؟!!

التيه في عُرف الزمن قطعة عذاب .؟!!
مثل السفر لا صار ما عنه مهروب
|"|
والبعد ماهو بالذهاب وبالإياب.؟!!
البعد والله لا طوى البعد القلوب
|"|
والريح لا هبّت مع الرحمة غياب .؟!!
أفضل من اللقياء على صلف الهبوب
|"|
بعض المواقف ياعرب مثل السراب
مابه وضوح ولا معالم او دروب.؟!!
|"|
ومن لا خذا في رحلة أيامه زهاب.؟!!

يموت ما حصّل ورى شمسه غروب

|"|
ماغير انا والتيه والذكرى صحاب .؟!!
والمفترق شوقن وسط قلبي لعوب
|"|
ولا فيه خاطر رحت احاول به وطاب
إلا وجيت الكسر عن جبره ينوب.؟!!
|"|
بعض الأماني تفتح إلك ألفين باب
وتقفل بوجهك لحظة الحاجة دروب
|"|
مثل الوفي لا مد لك كاسه شراب
والكف الآخر سم في كاسه يذوب
|"|
مديت كفي (والغلا) مافيه ناب.؟!!
ورديتها والكف مليانه ندوب
|"|
يعني كذا بالمختصر ( مغرم وتاب )
لكن ذنوب الأمس ما وده يتوب .؟!!