الأمـانــي

طالـت لـيـال الـحـزن مــا شــق لــه نــور

وفـجـره تـوقـف مـــن سـنـيـن بمغـيـبـي

من ظاعت (الشمس الحزينة) ورى القور

وانـــا اتـلّـمـس فـــي ظـلامــي لهـيـبـي

تحقـقـت (أحــلام عـمـري) عـلـى الـبــور

( وتـبـدّدت ) فــي ارض شـكـي وريـبــي

وجـتـنـي هـمــوم وكـــل طـابــور طـابــور

ياشيب راسي منـه ( ياشيـب شيبـي )

الــى مـتـى والـحــزن بالـقـلـب مـحـفـور

الــى مـتــى (والـحــزن) هـــذا نصـيـبـي

الـى متـى( والـهـم ) صفـحـات وسـطـور

الــى مـتـى (جــرح الليـالـي) عطـيـبـي

تـزرعـنـي الأيـــام بـالـظـلـم والــجــور

 وتنبت دموعـي  فـي طـوارف شعيبـي

وأحصد خراب الوقت  فـي كـف مجبـور

يجـنـي محاصـيـل ( الـزمـان) العصـيـبـي

حـلــم وتـبــدّد ( أيـــه ) يـاحـلـم مـعــذور

مـــا دام خـصـمــك واقــعــي بِتْـعَـذيـبـي

إصعـد علـى ابعـاد( الألـم ) قـمـة الـطـور

وأجــمــع ( تـبـاريـحــك ) ولا تنـتـخـيـبـي

ثم ارم نفسك لا تحسّـب لـي شعـور 

بحـد ( الألــم ) مبـطـي تـجـاوزت عيـبـي

وانـا لـي الله (يـا حـلـم) صــرت مكـسـور

ولا ظنـتـي( كـسـر الأمـانــي ) يطـيـبـي