الثلاثاء، 9 أبريل 2019

سكون الروح

من طـلعة الشمس لين تغيب بخدودك
وانا اتقلب على جمر الغضى مشتاق
//
وانـته ابد ما تـجـمّـل غـير بـصـدودك
والشوق فاضح ولّذة وصـلـك الـحراق
//
ابطيت في عزلتي وانا على حدودك
والليل يأكل سكون الروح وانت عناق
//
تـعـال تـكـفا ولاعبني عـلـى مودك
روضة حياتي مليته من لقاك فـراق
//
العمر يمضي بسرعة وانت بجحودك
اتعبت صبري دخيل الشوق ياسراق
//
ابك انت بستان سحر النفس بورودك
لو اقطفك ضاعت الدنيا مع الاذواق
//
تعال ليلي سجين بساحة برودك
الى متى غيم هجرك يحجب البراق

عبدالله العتيبي

الثلاثاء، 12 مارس 2019

البوصلة

( عـابــر سـبـيـل ) ومـتـعـبٍ روس // الأقـــدام
أعـلـل النـفـس // لـكــن مـقـصـدي ( غـايــة )

رحلة // عذابي // في بحر // مركب // أحلام
والـبـوصـلـة / ذكــــرى // سـنـيــن الـبــدايــة

تـلـعــب بــــي الأقــــدار // واقـــــول قـــــدام
اجنـي // ثمـر / زرع // الأمـل // مـن شقايـة

لكـنـي اصـحـي // فــي دياجـيـر // الأوهـــام
وارقـد // علـى صبـح الألــم // فــي حشـايـة

تـاريـخ // جـرحــي // قـبــل تنـفـيـذ الاعـــدام
مكتـوب // فــي // صــدر الليـالـي // جنـايـة

تـقـرانــي // غــيـــوم // الـقــوافــي // للألهام
وامطـر // حــزن // تنـبـت حــروف // الـروايـة

ألــثــم مـــن الــمـاضـي ثــغــر هــاك الأيــام
بــعــض // الـصــور // بـروازهـا // لــي حـكـاية
الصبر
..

الصبر علمني
اجامل مع الناس
وعلمني التطنيش
فن التجاهل
..
وعلمني ان الوقت
لو زان يحتاس
وعلمني ان الهم
تحصيل حاصل
..
ما كنت ادور عن
خفا كل هلاّس
ولاني من اللي
يبتدون المشاكل
..
عزيز نفس وعزتي
مالها قياس
لا شفت ماعفته
بترت التواصل
..
لا تندفع واحذر
 تغامر بالانفاس
مافيهم اللي
لو تطيح يتفاعل
..
انا مجرب بالبشر
كل الاجناس
اطيبهم اللي
لا دعيت  يتغافل
..
اصبر على دنياك
ياطيب الساس
تبي تمر من
العجايب قوافل
..
وتبي توريك
الليالي والاتعاس
حقيقة الايام
والوقت عاجل
..
الصبر علمني
اعدّي ولاباس
وعلمني الإنصات
في وجه (سافل)

عبدالله العتيبي