وجهة نظر.؟!!

شـدّيـت فـي غـربـة زمــانـي حـزامــي
وأسرجت للهوجاس من فكري الـخـيـل

شـاعـر ولـي وجـهـة نــظــر وإلـتـزامـي
وأحــب في طــــرق الـخـيـال الـمـواويـل

الـنـوم فـي عـيــن الـغـريــب إحـتـلامي
وانـا عـيـوني حـلـمـها جـاوز ســهـيـل

كـسـرت حـوض الـشرب ماكنت ضامي
لـكـن طـفـح صـبـري على كـثـرة الكيل

الـفـقــد طــيــري والأمــانـي حـمـامـي
أعـتـقـتــهـا وأطـلـقـت حـبـل المواصيل

عـشـت الـحـيـاة دروس بالإنـقـسـامـي
وتشتيت فـكـر الجيل في منهج الـجيل

الـلّـي يـمـوت مــن الـولـه بالـــزحـامـي
لو ترقـــص الـدنيـا طــرب عـدلـهـا مـيـل

راح الـــجـســد مـابـاقــي إلا عــظـامـي
وأضــغــاث أحـــــلامٍ وحـــفـنـة بـهــاذيـل

وقـسمـتـهـا مـابــيــنــنـا بـالـتـمـامـي
انـــا وقــلـبـي والــعـيــون الـــغـرابـيــل
‏
الـحـزن يـمـطرني ويــســكـب غـمـامي
وتــنـبـت بطـشّـات الشقاء زهرة الويـل

وأســـيــل بـطـراف الـنـهـار لـظـلامـي
وتــصـبـني روحـي نــجـوم وقـــنــاديـل

وتـنـثـرني حروف الـمـسـاء في كلامي
وأكـتـب حـروفـه دمـع فـوق الـمـناديـل

ويــطـيـح نـصـفـي وأتــدارك مـقـامـي
وأطـعـن بسكين الـتـعـب غـفـوة اللـيـل

وتزرعني أنـفـاسي شجن في حُـطـامي
وأجـنـي ثــمـار الآه من هـــدّت الـحـيل

بــعــد الأمـــل بالــخـلــف وإلا أمــامـي
مـاعـاد تـفـرق لـو جـرف رجلي السيل

كـم قــلــت لـلأيــام إخـــذي كــلامــي
قابـيـل مـا فـكر قـبـل مــوت هـابــيـل

وإن طاح من عـيــن الـرفـيـق إحـترامـي
وقــفّـت عــن هـرج الـغـلا والـتـعـالـيـل

مـتمـسكٍ بالـصـمــت عنـد الخـصـامـي
وأشـوم في نـفـسي عـن الـقـال والـقـيل

ولـو فـي الـغـيـاب يـقـلّـدون الـوسامـي
جـنـيـت مـن كـثـر الغيـاب المحاصـيـل‏

تفاصيل الدروب

وغابت أجمل ايام العمر مع حلمي اللي غـاب
راحت عن عيوني يوم عنهم غابـوا احبابـي

يطير من الألم كلي حزن مـا يحتويـة كتـاب
حزن تكفخ تباريحـه همومـاً لآخـر اتعابـي

وعلى كتف التعب تربت يدين الضيق بالمشعاب
تهدهدني على الذكرى بعد مـا طـوّل غيابـي

نزف كل اغلبي حلوة وحت حتني على المرقاب
خلعني كل شيء إلا لبسـت الحـزن بثيابـي

ويطيح من آخر الذكرى حبل(ن) ممسد لصحاب
تغشتهم طقوس البين وصاروا مثل الأغرابـي

أمر ديارهم عابـر سبيلـي والخُطـى تغتـاب
تفاصيل الدروب اللي مشتها خطوة أصحابـي

احاكيهم بفكري واقطف المعنـى مـن العنّـاب
زهر اصفر يسولف ني وضحكٍ ينفض ترابـي

ألم لم كل حبات المطر مـن غيمـة الأهـداب
وعلى روض النقاء شدّت كثير أحلام لركابـي

انا ويني . انا كلي غديت من الأسـى مرتـاب
وتمتمت المحال وفضني مـن سيـرة كتابـي

جبرنا الوقت ما نسأل عن اللي صار والأسباب
نسينـاه او تناسينـا وذبنـا والهجـر ذابـي

صحيح احبهم واعشق ثراهم والهـوى غـلاّب
ولكن الظروف الـي حدتنـي وأصفقـت بابـي

طالت رحلة أيامي وعن عيني ضياهـم غـاب
ورحلت لوحدي ابحث عن بقايا وجود لصحابي

مواطن . مع . برنت

الـكسر ماهـو كسر تلـعـات الأرقـاب
الـكـسر والله كـسر الأحـلام يابـنـت

كانـت بداية حـلــم سلهم بالأهـداب
وقام يتـغـنـج قلـت ياحظي أحسنت

وفجأة ظـلامي كسّر الظل بغـياب
ورجعـت خالي وفضتي مثلـما كنت

تـدرين وإلا أقـول: بفـتح لك أبواب
بـضلوع صدري يوم انا فيـك آمنت

بين الخـيـال وبيني الـشعر ينساب
يمكن أبالغ بعـض الأحـيان لا مِنت!!

انا وحـيــد وغربتي مـاله أسـبـاب!
في رحـم عمري من حنيني تكوّنت

بنيت لي في عـزلة النفـس محراب
أقرأ سـكوني كلما ضقت وأشجـنت

وأزرع بـذور الـفـقـد عـنّـاب عـنّـاب
وتجنيني الخطوة على سكة العنت

والمس رياحـيـن الأمل تصبح تراب
من فوق جرحي غيم الألام عينـت

تمطرني الفكرة شجن وأكتب عتاب
وبيني وبيني يقسي الحرف لا لنت

وأعلن غـيابي وأمـتطي ليلي ركاب
والشمس تمسحني ولاكأني أعلنت

ألغيت مـن جدول عناء وقتي أتعـاب
ولقيتني في هامـش الدرب هيجنت

عالجت في جـرح المشاعر ولاطـاب
حـاولـت يامــا للآـسف ما تـمـكـنـت

نعـم قـديـم الحزن يكـتبني كـتاب
وبالعــمـر صفحاته من الوجد لونت

حتى نهاري يـشـبه وجيه الأصحاب
لكن سـواده في نواياه لا أمعـنـت!!

يـومه عـرفت إن القدر زرقة حِـراب
والـشك مايمطر سحابه وانا أيقـنت

يعـني كذا بالمختصر رحـلة أغـراب
بالضبط .. لكنّي غريب وتوطـنـت!!