الصبر

..

الصبر علمني

اجامل مع الناس

وعلمني التطنيش

فن التجاهل

..

وعلمني ان الوقت

لو زان يحتاس

وعلمني ان الهم

تحصيل حاصل

..

ما كنت ادور عن

خفا كل هلاّس

ولاني من اللي

يبتدون المشاكل

..

عزيز نفس وعزتي

مالها قياس

لا شفت ماعفته

بترت التواصل

..

لا تندفع واحذر

 تغامر بالانفاس

مافيهم اللي

لو تطيح يتفاعل

..

انا مجرب بالبشر

كل الاجناس

اطيبهم اللي

لا دعيت  يتغافل

..

اصبر على دنياك

ياطيب الساس

تبي تمر من

العجايب قوافل

..

وتبي توريك

الليالي والاتعاس

حقيقة الايام

والوقت عاجل

..

الصبر علمني

اعدّي ولاباس

وعلمني الإنصات

في وجه (سافل)

عبدالله العتيبي

مرثية15

تبـكـي دواويــن النشـامـا هــل الـكــار بالـلـيـل تـبـكـي والـعـصـر والـقـوايــل

وتبكـيـك بقـعـاء والـقـرايـا والامـصــار والجامعـة تبكـيـك يــا أحـمـد وحـايـل

صـــارت مـداهـيـلـك رســــومٍ وتــذكــار وصــارت رســوم البـيـن فيـهـا مـثـايـل

سـجّـت عواصـيـف الليـالـي بالأفـكـار ومـــرت علـيـهـا بمهـمـهـات الـهـوايــل

وهلـت دموعـي مـن عيونـي بـالأغـزار وكتمـتـهـا خـــوفٍ مـــن عـلــوم قــايــل

واهل الصفاة اللي بكوا ودمعهم حار مــن لامـهـم فــي حــب زيــن الفـعـايـل

قالوا توفى قلـت وش لـون وش صـار ومـن هـول مـابـي مافهـمـت الرسـايـل

قـالـوا خــذاه الـحـق والـعـمـر لـــه دار يـقــف عـلـيـهـا ثــــم يــشــد الـرحـايــل

احمـد توفـى وجــاه قـصـاف الأعـمـار ب اول شـبـابــه راح مــابــه صـمـايــل

الـجـوهـر الـنـاريـز المـصـخـي الــبــار الصـادق المخلـص جمـيـل الخصـايـل

مـاجـاب فــي يــومٍ لـهـل ديـرتــه عـــار ولا قـالـوا احـمـد فــي دروبــه خمـايـل

يمشي على وضـح النقـا سـر وجهـار درب الـمــراجــل لـــــه بــدربـــه دلايــــــل

يــــا الله يـاعـالــم خـفــيــات الأســـــرار ويـاعــالــمٍ فـــــي دقــهـــا والــجــلايــل

تـرحـم عـيـون احـمـد ولاتـقـرب الـنــار وتجـعـل مـقـره فــي زهـــور وخـمـايـل

__________________

مرثية14

أفجع خبر جاني على هجعة الناس
من فم ابو يوسف عزيز الجنابـي
يقول:عمك حال من دونه اليـأس
وبكرا بوسط القبر جسمه يغابـي
الكون اظلم والحزن صارعسـاس
والدمع شرّع عقب مامـات بابـي
يرحمك ياعودا قضى العمر نوماس
رمز الشيّم والديـن والإحتسابـي
أصفى من الناريز وأنقى من الماس
مذهب ذهب ما يغتشيـه السرابـي
رمز الكرم والجود مبني على ساس
ماهو من اللي في جميلـه يحابـي
تبذل يمينه بالعطاء دون مقيـاس
وتبذل شماله ما تحسّـب حسابـي
فيه المهابة والحياء فيه الأحساس
ولا هو من اللي يسحبون الثيابـي
رمز الشجاعة والبطولة ومتـراس
ياقف بوجه الضيم ولاهو يهابـي
تبكي أثر سجدتك يا عطر الأنفاس
ويبكي اثر ماطاك فـوق الترابـي
وتبكيك شيبـانٍ وقوفـاَ وجـلاس
وتبكيك وغدان وحريـم وشبابـي
عساك ف الفردوس ياطيّب الساس
عساك يوم البعث مالـك حسابـي