الصبر

..

الصبر علمني

اجامل مع الناس

وعلمني التطنيش

فن التجاهل

..

وعلمني ان الوقت

لو زان يحتاس

وعلمني ان الهم

تحصيل حاصل

..

ما كنت ادور عن

خفا كل هلاّس

ولاني من اللي

يبتدون المشاكل

..

عزيز نفس وعزتي

مالها قياس

لا شفت ماعفته

بترت التواصل

..

لا تندفع واحذر

 تغامر بالانفاس

مافيهم اللي

لو تطيح يتفاعل

..

انا مجرب بالبشر

كل الاجناس

اطيبهم اللي

لا دعيت  يتغافل

..

اصبر على دنياك

ياطيب الساس

تبي تمر من

العجايب قوافل

..

وتبي توريك

الليالي والاتعاس

حقيقة الايام

والوقت عاجل

..

الصبر علمني

اعدّي ولاباس

وعلمني الإنصات

في وجه (سافل)

عبدالله العتيبي