كاهن الهجران

كفن أحلام الفراق بثوب لقياء.؟!!
وإدفن هجوس الموادع والفراقي
//
\\
مانفع مع كاهن الهجران ُرقيا.؟!!
شعوذة وصله تبي مليون راقي
//
\\
ومانفع شوقي مع العذال تُقيا.؟!!
يفضح عيون المولع حب راقي
//
\\
غاية أيامي معك لا غبت سُقيا.؟!!
من شفايفك الشهد للحب ساقي
//
\\
ياسمو الأبجدية فيك بُقيا.؟!!
والمعاني من ذهب والماس باقي
//
\\
ماشقيت إبك أنت ماهنا فيك شُقيا
كل معنى للسعادة فيك راقي.؟!!
//
\\
ياشفيف الهمس فيك الهمس نقيا

من نقاه يوازي إحساس التلاقي.؟!!
//
\\
يالزمرد يالزبرجد يالحبقيا.؟!!
يالنفل يالورد من بعد السواقي
//
\\
لو يطول الوقت إلنا معك لقياء
وبالوفاء شديت من حبك وثاقي

ذكر اللقاء

على شاطئ غرامك كانت الروعة من الأصداف
وزماليق الفرح تلعب على سيقانه اشواقي.؟!!
\\
عرفت إن الغلا ممكن يشوف إبه الذي ماشاف
عمى طول العمر ممكن اذا شافك من احداقي
\\
تهيم لوصلك عيونٍ تعب في سرها العراف
تغمض وأفتحك عالم من الهقوات مافاقي.؟!!
\\
وألمك بيني وبيني درر من ثغرك الخواف.؟!!
واتوهك في دياجيري وتضويني من أعماقي
\\
بك إحساس الأمل مركب وهاجس خاطري مجداف
يجدفني وانا في شبر بحرك غاية إغراقي.؟!!
\\
تسولفني طيور الشوق واسبح في سماء الميهاف
على ذكر اللقاء دايم اطيرك عاكس فراقي.؟!!
\\
احبك حب تنسجني خيوطه من غلاي أكتاف
واشيل الوجد من فوهه ظلام البعد بإشراقي
\\
جزالة شعري عيونك وتمردها بقوة قاف.؟!!
تلملمني واجي سيّد على الشعّار بـ أخلاقي
\\
اهيم بوادي ايامك على النية بدون اوصاف.؟!!
يخطف الوصف من وقتي تفاصيلٍ خذت ساقي
\\
امارس رغبة أفكاري بحلمٍ مرني بك طاف.؟!!
وافسرني حتوف الحظ وصبحٍ يشرقك راقي

الماء لو روبته مايروب!!

سجل بدفتر طيشنا واصبح سراب!!
وامسح بقايا شمس حلمي بالغروب

ولا تـسـأل الأيـام لا طـال الـغـيـاب
عن ماضي أحلامٍ تلاشت يالكذوب

إنت بديت الحرب وسنّيت الحِراب
وإنت تقول الهجر غالب ومغلوب.!!

جيش النوايا جاك من بيض الهضاب
ضاري على صدق الملاقا والخطوب

الله وكيلك ماحسب لجلك حساب
ومن كثر عزمه ماتروعه الندوب.؟

الـعـار في (زيفك) مخضب بالخضاب
والماء ولو حاولت لا يمكن يروب.؟!!

فيك السواني عذرها ثقل التراب
وإلا الغدير بشفة ألوانك يذوب.؟!!

ممزوج بعضك في مسافات إغتراب
ماتلتقي في روحك التايه تجوب.؟!!

لا مرك الميهاف والطاري عذاب!!
تلثم من الماضي ثغره وماتتوب

إنت رميت السهم يوم الإكتتاب!!
خسران لكن رغبة النفس اللعوب

تجني غرور إحساسك المترف غياب
وتزرع طيوفك في متاهاتك طيوب.؟!!

قال السحاب اللي غدر فيه السحاب
وش خانة فصول السنة عند الشحوب .؟!!