مشاعر روح .؟!!

تأخذني الفكرة واجي روح شاعر 
يحمل..مشاعر روح.. ماعاد به روح!
|"|
وجروح بـقـعـاء في حـيـاته تكاثر.؟!! 
لا طـاب جـرح بخاطره تنبت جروح
|"|
صحيح بـعـض الآه بالـقـلـب كافر 
لكن يهوده تبني بذاتي صروح.!!
|"|
يسعون في نفسي ولو كنت اكابر.؟!!
ماطحت لكن داخلي شخص مذبوح
|"|
من جيت في وادي ضمأ الوقت عابر
وانا ارتوي من سلسبيل الألم بوح.؟!
|"|
واجرع من الخيبات لو كنت صابر 
عشان مايشمت بي العفن واللوح.؟!!
|"|
في بهرجة حزني رسمت المناظر
وأبدعت في حبك المعاناة للنوح!
|"|
تأبين حلمي قبل موت المشاعر !!
عن ساحة الحقران ياقلب مسموح
|"|
ماجيت راضي جيت بـ ألفين خاطر
أجرهم خلفي معاطيب وجروح .؟!!

غابوا زمن .؟!!

مع كل غفوة . جفن . والهم . ينتاب 
أغلب شعور النفس ماضي سنينه
|"|
احباب وإن غابوا عن عيوني احباب
حتى لو عيوني بكت عقب عينه.؟!!
|"|
مع كل نبضة . هم , وفراق , وغياب
يحول صمت الكون بيني وبينه.؟!!
|"|
كل الوجوه اشباه واصحاب واقراب
إلا وجيه الحب والشوق وينه .؟!!
|"|
غربة فرح فيني ماهي غربه تراب
اوآه ياقلبٍ شكى من حنينه .؟!!
|"|
لامن لمست الجرح درب الأمل طاب
وخاطر حياتي من مفاصل يدينه .؟!!
|"|
نفس الظلام وشمع في كف ماذاب
من حر من يسأل عن الشوق وينه .؟!!
|"|
احيان احس إن الزمن سكة اتعاب
وأحيان اقول إن البلاء عابرينه.؟!!
|"|
واحيان اشوف الليل والصبح له باب
واحيان اشوف الليل صبحي سجينه
|"|
غابوا زمن ياليتهم عادوا اغراب
ولا رجعت لشين وقتي وزينه .؟!!

عالم الشوق

---

في عالم الشوق تهت
بزحمة احوالي .!
وانا لحالي ودرب
الوصل ي طوووله ...
//
ماغير طيفٍ جميل
وماضيٍ غالي .
وإحساس روحٍ بكف
الوجد محموله
//
كم ذقت كاس الزمان
المر والحالي !
وكم ركّز المزن فوق
الحلم هملوله "
//
إن جيت ارتب حروف
الشعر في بالي
يضيع من كثر مر
البال معسوله
//
ويترجم إحساسي
المبهوت سربالي
يستر جسد عاري
الأسرار بحلولهu//
ويطير بعضي
جناحه يكفخ آمالي 
والبعض مني
على ميهافي فلوله
//
متناثر اشلاء من
حولي ومن حالي "
وغصين عمري يحت
اوراقه ذبوله
//
أعظم من البعد قصر
بخاطري عالي .!!
والموت حارس
وله ابواب مقفوله .!!
//
يادوحة طموح روحي
طال مقيالي
والعمر راحت ركاب
العمر مذهوله.؟!!
//
قد كنت احسب الهوى
لا هب يصفالي
واربح بعد جولة
الهجران لي جولة
//
لكنّي اشوف زول

الصدّ يبرالي ...
والرحلة اللي بواد
الذات مجهولة.؟!!