الصبر

الزمن يمضي وانا عابر سبيل
والليالي هي محطات العمر
\\
ما ارتويت من الحنان السلسبيل
ولا جنيت اللي زرعته من ثمر
\\
غربتي هي غربتي ماله دليل
الضياع اللي حياني وانتحر
\\
وضاع مني كل ما ظنه جميل
وكل شيءٍ عاد في عمري أثر
\\
من زمان الحزن والهم الثقيل
لا مسحني سطر يكتبني سطر
\\
ماعرفت من الهناء غير القليل
ومرت اوقاته مثل طيفٍ عبر
\\
الحزن بعيوني القشراء نزيل
والشعر مجداف والبوح البحر
\\
والأماني تاهت بوقت الأصيل
والحنايا الآه ينثرها نثر
\\
اشتكي لأيامي ودمعي يسيل
وتمسح دموعي مناديل العذر
\\
دنيتي ياروح مرباع ومقيل
وش بقالي فيك من غير الصبر

احساس مقرود

الشمس غابت وأقبل الليل ياحمود
وعزي لعيني كلما الشمس غابت.؟!!
|"|
الحال مابه زود ومنين له زود.؟!!
والنفس من كثر الهواجيس طابت
|"|
كنا على بير الهوى نمسي ورود
واليوم صدّرنا والأرواح ذابت.؟!!
|"|
وروضة لقانا كلما حولها جمود
وكن الرياح من الذعاذيع تابت .؟!!
|"|
عذر الزمن اقبح من إحساس مقرود
من كثر صدماته عوارضه شابت.؟!!
|"|
ياجعل عين صابت الحب ياحمود.؟!!
تصبح بعمياها من الظن خابت
|"|
تمضي مراكبنا مجاديفها عهود.؟!!
وأرض الأمل من فوقها الشوق نابت
|"|
يعني وعد وإن كنت بالكون موجود
ما انساه دام إن القمر فوق ثابت.؟!!

مدينة حب

انتي مدينة حب وأشواق ودروب
كله تؤدي للهدوء والسكينة.؟!!
//
انتي بساتين الفرح فُل وطيوب
وإحساسي الرائع بقلبي حنينه
\\
كم قلت في نفسي ابا توب ما توب
وترجع بي الأحلام لأجمل سنينه.؟!!
//
واجيك في كفي ثمن عمر مغلوب
يطيح بينك كل لحظة وبينه.؟!!
\\
اهواك احبك اعشق أنفاسك اذوب
وقلبي بحبك كل شيءٍ يدينه.؟!!
//
من رعشة إحساسي بنشوته متعوب
وإمن الوله طاح الصبر من يدينه .؟!!
\\
جسر الآماني دايم الدوم منصوب
وفي خاطري لك كل قصر ومدينة.؟!!
//
من صوب حبك والوله صار من صوب
كل المشاعر في يدينك رهينة.؟!!
\\
اترجمك واقراك عدلٍ ومقلوب.؟!!
واسبر معانيك الجزال الثمينة
//
وافهم عيونك كلما سلهمت نوب
إن الغلا لا نام في محجرينه.؟!!