بقايا ظروف .؟!!

خذ الفرحة من عيوني بس إتركني بليا خوف
غريبٍ حطمت حلمه دروب الواقع الحاضر.؟!!
|"|
أجامل كربة أيامي وانا العاقل وانا الملقوف
وألملم في حشايا هم يلغيني وانا حاضر.؟!!
|"|
سيوف الوقت ماترحم ايّ والله ياهي سيوف
تمزّع لحُمة أحلامي على نطعي من الآخر
|"|
سكن بـ اقصى تفاصيلي ضرب عرقه بحد الجوف
عجاج الذكريات اللي كسر من فوحه الخاطر.؟!!
|"|
وخلف الباب لو يفتح صفوفٍ تقتفيها صفوف
من الوجدان تتراكم كما يتراكم الماطر.؟!!
|"|
من الغلطان يوم الشوق يصفعني وانا الملهوف
نبت في خدي الريحان من كفه وانا اكابر.؟!!
|"|
وتر همي عزف لحنه ترانيمي وانا المعزوف
بقايا ذكريات لحون نسيتني وانا فاكر.؟!!
|"|
نسيم الود والقمراء وليلٍ من بقايا ظروف
يداعب هاجس أحزاني لا مروا وانا ساهر

انثى

إنثى وله في سرمد العشق مدهال

ومن الوله والوجد له نصف مافيه.؟!!
|"|تسحر ترانيمة وأعرف إني رجال

عاث الفساد من الوله كل خافيه.؟!!
|"|متحلطم الهاجس على كل ابو حــال

وطفل اللقاء زعلان وش عاد يرضيه!!
|"|هي رسمتني شوق وأحلام وآمال

ثم مسحتني بالعتب والمشاريه.؟!!
|"|له حق تنسفني من الجال للـجال

وتضرب مثال العنجهية مبادية.؟!!
|"|لا صار زينه عال في عال في عال

يحق له لو مرمط الروح بالتيه.؟!!
|"|السحر بعيونه من الرمش قتال.؟!!

ترسل طلاسمها على القلب تعميه
|"|واللي ضرب في موت إحاسيسه مثال

لو شاف زوله يرجع الزول يحييه.؟!!
|"|هذا وانا فيني حذر بعض الأحوال

وشلون لو قلبي عن الذكر ملهيه.؟!!

بهو الأمل ...

انا القصيد اللي زرع برضك الشوق
ولا تكاثر من حنانك قليله..؟!!
|"|
ونبت في أرض إنتظارك من الذوق
حتى روى ذوقي لعينك غليله.؟!!
|"|
انا الكلام اللي من الوجد مخنوق
حرفٍ يطيحك شوق قلبي يشيله.؟!!
|"|
ماكنت اعرف إن بيني وبينه حقوق
حتى سلك بُعده بقربي سبيله.؟!!
|"|
وفهمت بعده ( كل مطرود ملحوق )
إلا وصالٍ ضيع الله دليله .؟!!
|"|
تبت يدين البعد لا صارت العوق
وتب النوى وأحلامنا المستحيلة.؟!!
|"|
في روحي إحساس الغلا طار بي فوق
حتى هويت بساحق البُعد غيله.؟!!
|"|
وتزاحم الدمعة من الموق للموق
تروي حكاية ألف ليلة وليلة.؟!!
|"|
كان إبتذال الصبر في وقت مسروق
من غفوة الواقع بذيك الخميلة.؟!!
|"|
حتى تساقط من غصن عمري عذوق
وتعرّت كفوف الليال الجميلة .؟!!
|"|
اصبحت في بهو الأمل كرت محروق
والخطوة اللي كانت اول ثقيلة.؟!!
|"|
يوجع زماني لا خذا الشوق بالشوق
وش خانة الوديان لا جف سيله .؟!!