عالم الشوق

---

في عالم الشوق تهت
بزحمة احوالي .!
وانا لحالي ودرب
الوصل ي طوووله ...
//
ماغير طيفٍ جميل
وماضيٍ غالي .
وإحساس روحٍ بكف
الوجد محموله
//
كم ذقت كاس الزمان
المر والحالي !
وكم ركّز المزن فوق
الحلم هملوله "
//
إن جيت ارتب حروف
الشعر في بالي
يضيع من كثر مر
البال معسوله
//
ويترجم إحساسي
المبهوت سربالي
يستر جسد عاري
الأسرار بحلولهu//
ويطير بعضي
جناحه يكفخ آمالي 
والبعض مني
على ميهافي فلوله
//
متناثر اشلاء من
حولي ومن حالي "
وغصين عمري يحت
اوراقه ذبوله
//
أعظم من البعد قصر
بخاطري عالي .!!
والموت حارس
وله ابواب مقفوله .!!
//
يادوحة طموح روحي
طال مقيالي
والعمر راحت ركاب
العمر مذهوله.؟!!
//
قد كنت احسب الهوى
لا هب يصفالي
واربح بعد جولة
الهجران لي جولة
//
لكنّي اشوف زول

الصدّ يبرالي ...
والرحلة اللي بواد
الذات مجهولة.؟!!

ابوي.؟!!

وش هقوتك باللي عضيده تناساه 

واصبح مع العربان مثل الجلاوي

|"| 

عقب المعزة ارذل الخلق يشناه

واللي حواه الوقت غير البلاوي

|"|

اي والله ابكي حظي الزفت وانعاه

مدام حظي تالي العمر ثاوي

|"|

ماهي سوالف تمضي ايام تسلاه

اللي بوسط القلب مليون عاوي

|"|

اجر عبراتٍ بروحي من اقصاه

في هالزمن كل على الجرح قاوي

|"|

اللي مضى قد راح واقفت مطاياه

مير البلاء باللي بقى من خطاوي

|"|

وانا وصلت بحد صبري إلى اقصاه

بالله ياذا الصبر ويش انت ناوي

|"|

اللي رحل خله مع الوقت ينساه

واللي فقد صاحب بديله يخاوي 

|"|

لكن فقيد الأب ياكبر بلواه

يشعر بموته والحياة متساوي

|"|

اذا استوى سوقه على الهم خلاّه

حتى تواسى العمر والصوت داوي

|"|

يابوي انا من غبت من آه في آه

وكم حفرةٍ عديتها بالمناوي

|"|

محتاج لك يابوي قلبي بدنياه

عايش بوسط الناس كني خلاوي

|"|

تمضي بي الأيام وأتابع إمضاه

وامشي مع العالم وانا الجوف خاوي

|"|

إحساسي المبهوت لو غار معناه

يكتب على دفتر قصيدي (شقاوي)

سيف الأحلام

بعض الوجع يأخذ له ايام ويروح.؟!!

وبعض الوجع ماراح له مدة اعوام

|"|

فيني مساحات الوله ضلع وسفوح

وديان في روحي من الوجد وإلهام

|"|

في غربتي ما شفت لدروبي وضوح

ولا لاح في عيني عن الدرب مرسام

|"|

راحل وانا مهموم والقلب مجروح.؟!!

والنفس فيها من عناء الواقع إسهام

|"|

من يشتكي جور الزمن صار مسموح

وانا شكيت من الزمن كل الايام.؟!!

|"|

آهات في صدري من الروح للروح

اجرها بين الحقيقة والأوهام.؟!!

|"|

صابر وانا من سيف الأحلام مذبوح

والوقت يجري والعمر مثل الأحلام

|"|

نصفي ذهول ونصفي الآخر جروح

ولاعاد باقي عين ترتاح وتنام.؟!!

|"|

ادور في محض الصُدف وانعي البوح

واكتب شعوري آه وشعوري أيتام.؟!!

|"|

فيني صخب هاجس هدم فيني صروح

عمرتها طوبة شقاء وطوبة آلآم.؟!!

|"|

ولا نفع ضوء القمر مركبي لوح

وخلفي بحر والموج لارحت قدام

|"|

يعني كذا بالمختصر ( مدرسة نوح )

وضلوعي الطلاب والكتب الأيام.؟!!