انـت حـالـة سـحـر

انـت حـالـة سـحـر مـلّـت نـفـث راقي

انـت طـلـسـم غـامـض ورقمـه عجيب 

إرحــل وابــعـد بــعـد حــفـلـة فــراقـي

وقـد مــاتــقــدر تــغــيــب أكـثـر تـغيب

صـدق حـسـي نـايـف بـ فكـري مراقي

يـكـفي أنـي كــنــت لـمّــاح ولـبــيــب

شـعـوذة وصلـك وتــرديــد إشـتـيـاقي

فـك تـشـفـيـره سـهـل لإحساس ذيب

زوبــعــة فـنــجـــانـك إبعـجــة مــذاقي

سـالـب ومــوجــب ومــعـروف وغـريـب

ومـن حــســن حـظـك ترى للـود بـاقي

وإلا عـرّيـتـك وعـــلـّـقــت الــصــلـيــب

ســلـمى

نفس الـمساء بالـضبط وصوت الـعـصـافير

ونــفــس الأمــاكــن والــزمــن والـمدينة

وفـي زاويــة مـاتــم فـــيــهـا عـلى خـير

شفت الـغلا تــدلــج مــطــايــا سـنـيـنه

حتى الـهوى مـحبـوس في داخـل الـدير

راهــب مــن الأحــزان يــتـلــوا حـنــيــنه

وعـــلـى جـــدار الذكــريــات المـــعــاذيـر

واضــح مــرور الـــوقــت فــي كــاتــبـيـنه

طـالــت يـديـن الـحـزن ومــض الـتـبـاشير

حـتـى الــهــبــايــب هــف هفتلي كنـينه

لاحـد يـجـي ويـقــول بــاقــي بـنـا خــيـر

الــخــيــر ويــنــه يــوم ســلـمى حـزيـنه

الـلي خـذاهـم

كـانوا هنــا والـيـوم ابـعد من سـهيل 

اللي خـذاهـم شيء فـوق احتمالي

كل شي تغير وانتهى الـحـال والحيل 

تـالي زمـانـي يِـتـبـع الــهـــم تــالي

كان الـمـساء غيم ونـبـتـني  اكاليل 

واورق زمـالـيـقـه عـلى اطـراف جالي

سـويـت شـوقـي من حناني معاميل 

وقـهـويـت ضـيـف الـفكـر لاسج بالي

الـلي خـذاهـم عـن دروب الـمـواصيل 

لـيـتـه قـطـع عـن ذكـريـاتـه وصـالـي

الـلـيـل حـالـك والـهـمـوم الـتـعـاليل 

وثـوب الـصـبـح مـن فـعـل الايام بالي

عـلـمـي بـهـم يـوم الـلـيالي مقابيل !!

ويـوم اختـفوا قـفّـت وجـيـه الـلـيالي