حضن مزنه

وجه الافراح

مدري انا شمك مع الصبح وإلا

الصبح لا شقشق يبثك رياحين

تعال يوم النور لأجلك تجلا

هبهب دروبي من نسيمك بساتين

الماء اذوقه يوم اشوفك محلا

يروي بلحظة شوفتك عدت سنين

تعال شفني لغيرك اقول كلا

مابي بدالك من صنوف المزاين

تعال بعدك وجه الافراح ولا

وتكاثرت بعدك وجيه الحزينين

تعال ابيك انفاس تعال إلا

ابيك مثل الدم بين الشراين

تعال مو معقول عني تخلا

وانت مكان الروح والقلب والعين

البرد بضلوعي من الشوق ولا

وغديت انا والبرد والشوق صافين

أنـصـاف الـحلـول

قلت لك أول تـعال أسمـع شـ قول !

ورحـت مـا فـكـرت فـي رد الــفـعـل

ويوم مـرمـرك الـزمن جيـت بذهـول

مـخـتـلف فـكـرك وتـحـكي عن أمل

الـغـبـاء مـا يـقـبل أنـصـاف الـحلـول

والـمـغـفل مــن يـعـيـنه لا غــفــل!

روح دور لـــك عـلى مـثـلـك زعــول

إن رضـى تـزعــل وإن ترضـى زعــل