أحــلامــنـا والـحــقـيـقـة

شــتـان بــيــن أحــلامــنـا والـحــقـيـقـة

ويـا ســرع روغـــات الــلــيــالـي والأيــام

فـالـصــبـح ضــيــقــه والـمساء الف ضيقه

والـلـيـل حـــفـلـة عـيـد مــيـلاد الأوهــام

مـاهــو حــلـم عـاشـق بشوفـ العشـيقه

بـعــض الـــوجـع تـحـتار به حـتى الأحـلام

بـــرق الألـــم لامن لــمــع لـــك بــريــقـه

يــرحـل بــك شـعـور الـمـجـاريـح الأيـتـام

وتـغــوص بـبـحـور الـهــمـــوم الـعـتـيـقـة

الـلـي ركــز فـي غـبـهـا الــمـوت الأعـلام

انـا الــوحـــيـــد أعذب أمـــآنــيـه ريــقــه

لــو يـبلــعــه طــابــت هــمــومــه والآلام

لا شـك حـظـي والــزمــــن والــطــريــقـه

اكـبـر خـطــأ فـيـنـي تــجــاهــلــه الأعوام

جـسر الـواقــع

لو قـطعت بـفاسي الـمُـتـعَـب حطب

مـن ذهـول الـبـال مـا ظـنـي ضـويـت

كــل أزمـــة فـي دهـالـيـزي تــهــب

تــعـصف بروح الـطـفـل ويطيح بـيـت

فـي شـمـالي درب والـيـمـنى تـعـب

والأمـــانـي تـنـتـهـي بـحـدود لـيـت

وبـيـن جـسر الـواقــع الـمـر أنـتـصـب

وبـيـن تـحـقـيـق الـهدف مـت وحييت

أفـتـعـل مـن سكرة الـهـاجس شـغب

بفوضـوّيـة شـعـري إحساسي حـويت

خـارج الـسـرب

أنـتـظـرني في مــواعـيـدي تـمـام

مـسـتـحـيل أقـدر ولا ودي اجــيـك

روعة أسلوبك واحاسيـسك حـمـام

غـردتـنـي خـارج الـسـرب أفـتديـك

مـاشـربـتـك مـن ظـمـأ غـير الـهيام

ولاكـتـبـتـك شـعـر لـو مـاكـان فـيك

انت معنى الهمس في عذب الكلام

انـت دنـيـا تحـتـويـنـي فـي يـديــك

انت مـهـجـة خـاطـري ديـم وغـمـام

انت سرك في عـطـش وجدي عليك

لا ظـنـانـي شـوق لـك عـيـني تنام

فـــوق قـطـعـة غـيـم فكري تحتويك

تــعــزفــك روحــي تـرانــيـم الـغـرام

واللـحن أنــفـاس مـن صـدري إلـيــك