نهر الوهم

الـنـوم رافـض يـريحني على فـراشي

سهران والعين من قبل أمس سهرانه

جسر الأماني على نهر الوهم ماشي

وخـطـوة تـفـاصـيـل مـوعد حيل تعبانه 

من عاش عمره حلم بالـعون ماعاشي

يـضـيـع عـمره وهـو يركض على شانه

الـلـيـل لـغـز

الـلـيـل لـغـز الــهــوم ورمــعــة الـغـربال

ودهــشـة ألـم خافـقي وقسوة غرابـيـله

طـاحت نـجـومـي حـزن فـي واحة الآمال

وفي سكـتي من سواده طـاحت الحيلة

يـجعـل ثياب السهر من وحشتي سربال

وإبـرة مـقـاس الـوجـع أسـاس تـفـصيله

آخـر ضلـع

أسرجت خيلي شوق حـب وصـبابة

إفـتـح أسطبل الوصـل لا تغلق الباب

تـعـبت خـيـولي وجـد قـدر ومـهـابة

لجلك عـرق صـبـره تـصـبـب تـصبّاب

ابـيـك تـنـهـبـنـي بـحـضـنـك نـهابة

وابـنـهـبـك لـو قـالـوا الـنـاس نـهـاب

جـيـتـك مـن آخـر ضلـع صدري رحابة

جيتك ولــه من قلب ذايب ومن صـاب