ســلـمى

نفس الـمساء بالـضبط وصوت الـعـصـافير

ونــفــس الأمــاكــن والــزمــن والـمدينة

وفـي زاويــة مـاتــم فـــيــهـا عـلى خـير

شفت الـغلا تــدلــج مــطــايــا سـنـيـنه

حتى الـهوى مـحبـوس في داخـل الـدير

راهــب مــن الأحــزان يــتـلــوا حـنــيــنه

وعـــلـى جـــدار الذكــريــات المـــعــاذيـر

واضــح مــرور الـــوقــت فــي كــاتــبـيـنه

طـالــت يـديـن الـحـزن ومــض الـتـبـاشير

حـتـى الــهــبــايــب هــف هفتلي كنـينه

لاحـد يـجـي ويـقــول بــاقــي بـنـا خــيـر

الــخــيــر ويــنــه يــوم ســلـمى حـزيـنه

الـلي خـذاهـم

كـانوا هنــا والـيـوم ابـعد من سـهيل 

اللي خـذاهـم شيء فـوق احتمالي

كل شي تغير وانتهى الـحـال والحيل 

تـالي زمـانـي يِـتـبـع الــهـــم تــالي

كان الـمـساء غيم ونـبـتـني  اكاليل 

واورق زمـالـيـقـه عـلى اطـراف جالي

سـويـت شـوقـي من حناني معاميل 

وقـهـويـت ضـيـف الـفكـر لاسج بالي

الـلي خـذاهـم عـن دروب الـمـواصيل 

لـيـتـه قـطـع عـن ذكـريـاتـه وصـالـي

الـلـيـل حـالـك والـهـمـوم الـتـعـاليل 

وثـوب الـصـبـح مـن فـعـل الايام بالي

عـلـمـي بـهـم يـوم الـلـيالي مقابيل !!

ويـوم اختـفوا قـفّـت وجـيـه الـلـيالي

اللي قتل فرحتي

حلم وطويته من علا صفحة أيامي

وتلاشت اطيافه وظله وتغييمة .؟!!

واللي بقى من بعدهم جرحي الدامي

وذكرى عزيزة في تراتيل ترنيمة.!!

كان الهناء في حياتي ظل مترامي

وعناب وارف وجوي يرسمه ديمه.؟!!

وصارت فجوجي ضياق ودرب لأوهامي

إيعانق الشوق صفق ابواب تحطيمه!!

اللي قتل فرحتي في نشوة الهامي

ماكفن الحب من عفوي لتجريمه.؟!!

راح وترك خاطري في سكة أوهامي

ماعنده إحساس ولاعنده ابد شيمة .!

يابخت روحه على تهميش الأحلامي

اكبر آمال الغلا عنده بلا قيمة .؟!!