جـمـالك

بـعـيـنك سـحـر هــاروت شـبـيك لبيك

لـوعـشـت في عـبـقـر طاحت مـمـالك

رمـشـك نـوارس والـسـواحـل سواهيك

وردعـن بـخـدك مــن نـظـر فـيـه هـالك 

والمبسم خـويـتـم صـغـيّر يـغــاغـيـك

والـلـؤل مـالـك شـيء والـــدر مـــالــك

أحــلامــنـا والـحــقـيـقـة

شــتـان بــيــن أحــلامــنـا والـحــقـيـقـة

ويـا ســرع روغـــات الــلــيــالـي والأيــام

فـالـصــبـح ضــيــقــه والـمساء الف ضيقه

والـلـيـل حـــفـلـة عـيـد مــيـلاد الأوهــام

مـاهــو حــلـم عـاشـق بشوفـ العشـيقه

بـعــض الـــوجـع تـحـتار به حـتى الأحـلام

بـــرق الألـــم لامن لــمــع لـــك بــريــقـه

يــرحـل بــك شـعـور الـمـجـاريـح الأيـتـام

وتـغــوص بـبـحـور الـهــمـــوم الـعـتـيـقـة

الـلـي ركــز فـي غـبـهـا الــمـوت الأعـلام

انـا الــوحـــيـــد أعذب أمـــآنــيـه ريــقــه

لــو يـبلــعــه طــابــت هــمــومــه والآلام

لا شـك حـظـي والــزمــــن والــطــريــقـه

اكـبـر خـطــأ فـيـنـي تــجــاهــلــه الأعوام

جـسر الـواقــع

لو قـطعت بـفاسي الـمُـتـعَـب حطب

مـن ذهـول الـبـال مـا ظـنـي ضـويـت

كــل أزمـــة فـي دهـالـيـزي تــهــب

تــعـصف بروح الـطـفـل ويطيح بـيـت

فـي شـمـالي درب والـيـمـنى تـعـب

والأمـــانـي تـنـتـهـي بـحـدود لـيـت

وبـيـن جـسر الـواقــع الـمـر أنـتـصـب

وبـيـن تـحـقـيـق الـهدف مـت وحييت

أفـتـعـل مـن سكرة الـهـاجس شـغب

بفوضـوّيـة شـعـري إحساسي حـويت