أقـول !وإلا خـلـّي إحـساسي يـقـول!
وإلا على بـســاط أحـمـدي نستهـلـه
ونـفـلـهـا فـلـه مـن الـعـرض للـطول
خصوص لاجات الفُرص مـسفهـلـة
أدري بإن إحـسـاسـك أحيان مشلول
مـن كـثـر صدمـات الزمـن فيه عـله
وأدري بقلبك شيء من شيء مذهول
يـنهـب لـذيـذ الـنـوم غـصـب ويــتـلـه
وأدري بنـظرة عينـك النـصل وخيـول
وحرب البسوس وسيـف سالـم تسله
وأدري بإن الـحـب بـشـفـاك معـسول
مـعــقـود كـوزه والـقــصــايـد تـحـلـه
وأدري تـقـاوم رغبـتـك لي على طول
تــقـول مـدري! وروحــك تـقـول إلـّه
وأدري حـنـانـك ديـم وامـطـار وسيـول
وفـيـك الـولـه مـن كـل بـسـتـان فـلـه
وتـدرين إنـي غـمـد والـحـب مسلـول
وبـعـيـونـك النجلا هـوى السيف كله
وتـدرين إنـي يـمـضي الـلـيـل مـقـتـول
مـنـك أنـتـظر لـو بعـض طــله وطـله
وتـدرين أحـبـك حـب ماهوب معـقـول
مـن كـثـر حـبـي لـك احـسـبـه جـبـلـه
